Búgin úıqamaqta otyrǵan Janbolat Mamaıdyń isi boıynsha jaryssóz bastaldy. Prokýratýra Janbolat Mamaıdy aıypty dep taýyp, shartty túrde 6,6 jylǵa bas bostandyǵynan aıyrýdy surady.
Inga Imanbaıdyń aıtýynsha, prokýror Janbolat Mamaıdy 2011 jyly bolǵan Jańaózen oqıǵasyn Almatyda qaıtalaıdy dep aıyptaǵan.
Sonymen qatar, oǵan 6 jyl boıy qoǵamdyq–saıası, jýrnalısik qyzmetpen aınalysýǵa, áleýmettik jelilerde sóıleýge tyıym salýdy suraǵan.
Eske sala keteıik, Janbolat Mamaı 2022 jylǵy aqpan aıynda qańtar oqıǵasynyń 40 kúndigine oraı ótken qaraly mıtıńten keıin uzamaı ustalyp, qarashaǵa deıin tergeý ızolátorynda qamaýda otyrǵan. Oǵan o basta jappaı tártipsizdik uıymdastyrdy, polısıaǵa til tıgizdi, jalǵan aqparat taratty degen aıyptar taǵylǵan. Byltyr qazan aıynyń sońynda jappaı tártipsizdik uıymdastyrdy degen aıyp beıbit jıyn ótkizý tártibin buzdy degen jeńilirek aıypqa aýystyrylǵany belgili boldy. Al 2 qarasha kúni sot oǵan qatysty bultartpaý sharasyn ózgertip, tergeý ızolátorynan úıqamaqqa jibergen bolatyn.
Pikir qaldyrý