Premer–mınıstr Álıhan Smaıylov óziniń úkimet basshysy laýazymyna usynylýyna qarsy bolǵan Jalpyulttyq sosıal–demokratıalyq partıanyń synyna jaýap berdi, dep habarlady informburo.kz

"Qazir parlamentte alty partıa otyrǵandyqtan, alty túrli pikirdiń bolýy – qalypty nárse. Kez–kelgen syn jumystyń ónimdiligin arttyrady. Sondyqtan syn aıtylýy bizge tek paıdasyn tıgizedi. Buǵan túsinistikpen qaraımyz. Úkimet Qazaqstannyń ıgiligi úshin odan ári jumys isteýge daıyn", – dedi Premer-Mınıstr.

Sonymen qatar, Álıhan Smaıylov parlament pen qoǵam mınıstrler kabınetine úlken senim artatynyn atap ótti.

Eske sala keteıik, JSDP  parlamenttik opozısıa retinde "Amanat" partıasy usynǵan Álıhan Smaıylovtyń kandıdatýrasyna qarsy ekenin aıtqan bolatyn. Biraq daýys berý qorytyndysy boıynsha Álıhan Smaıylov óz ornyn saqtap qalǵan edi.