AQSH áskerleri zymyrandyq shabýyl nátıjesinde  "Islam memleketi" jıhadtyq tobynyń Sırıadaǵy jetekshisin óltirgenin málimdedi, dep habarlaıdy BBC.

AQSH Halıd ál–Djabýrıdiń ólimi DAISH–tyń lańkestik áreketter jasaýyna tosqaýyl bolatynyn málimdedi. Vedomstvo qaza tapqan sodyrdyń qandaı teraktiler uıymdastyrǵanyn  aıtpady.

"DAISH qaýip tóndirýin toqtatpady. Qylmystyq top álsiregenimen, lańkestik áreketin jalǵastyryp, Taıaý Shyǵystan basqa aımaqtarǵa shabýyl jasaýǵa tyrysady", – dedi AQSH Ortalyq qolbasshylyǵynyń basshysy general Maıkl Kýrılla.

Zymyran shabýylynan beıbit turǵyndar zardap shekpegen.

AQSH bastaǵan kópultty koalısıa sońǵy aılarda Sırıanyń soltústiginde DAISH–tyń beldi músheleri men Ál–Qaıdanyń sırıalyq tarmaǵy bolyp sanalatyn ekstremıstik top – Hýrras ad–Dınge qarsy soqqy jasady.

Eske sala keteıik, Irak pen Sırıada DAISH–tyń 7 myńnan astam qoldaýshysy bar, olardyń jartysyna jýyǵyn sodyrlar quraıdy.