Jańaózendik munaıshylar 12 sáýir kúni tańǵy poıyzben Mańǵystaýǵa jol tartty. 

"Kelissóz jalǵasady, 10 adam qaldy. Bar aıta alatynym osy" – dep habarlady narazylyqqa shyqqan munaıshylar belsendisi Esenjan Ahmetjan.

Jańaózendikterdi Mańǵystaýǵa jiberý úshin Astana–Mańǵystaý baǵytynda júretin tańerteńgi poıyzǵa úsh vagon qosylǵan. Poıyz jergilikti ýaqyt boıynsha saǵat toǵyzda Mańǵystaýǵa jol tartty, dep habarlady Azattyq radıosy. 

“QazMunaıGaz” kompanıasy “BerÁli Mańǵystaý Company” ókilderimen arnaıy jumys toby qurylǵanyn aıtty. Jumys tobyna munaıshylar jaǵynan qalǵan 10 adam kirgen. Olar munaıshylardyń talaptaryn qaraıdy.

Eske sala ketsek 11 sáýirde bir top jańaózendikter Astana qalasyndaǵy Energetıka mınıstrligi ǵımaratynyń janynda pıket uıymdastyrǵan bolatyn. Olardyń narazylyqqa shyǵýyna jumyssyzdyq sebep bolǵan. "Beraly Mańǵystaý" kompanıasy tenderden utylyp, barlyǵy jumys oryndarynan aıyrylǵan munaıshylar Energetıka mınıstrliginiń aldyna túnegen. Olardy keshe polısıa bólimshesine alyp ketken bolatyn.

Sondaı-aq  Jańaózendegi ákimshilik aldyna jınalǵan bir top turǵyndar vıdeoúndeý jasady. Olar Astanadaǵy munaıshylardyń bosatylýyn talap etti. Keıinnen munaıshylardyń bosatylýyn talap etkender sany artyp, áleýmettik jelide vıdeoúndeýler tarap ketti.