Qoǵam belsendisi, saıasatker Muhtar Taıjan áleýmettik jelidegi paraqshasynda  úıinen polısıa alyp ketkenin habarlady. Polısıa ony 9 sáýirde Halyqtyq parlamenttiń saılaý nátıjelerine qarsy uıymdastyrǵan mıtıńi úshin 488 bappen aıyptaǵan. 

Al Astanada ustalǵan jańaózendik munaıshylarǵa qoldaý bildirgen saıasatker Nurjan Áltaevty sot "jurtty mıtıńige shaqyryp, beıbit sharalar ótkizý zańyn buzdy" degen aıyppen 15 kúnge qamaý týraly sheshim shyǵarǵan. 

Nurjan Áltaev áleýmettik jelide vıdeo jarıalap, jurtty Astana qalasy Almaty aýdandyq polısıa basqarmasyna shaqyrǵan edi.

Bul basqarmada energetıka mınıstrligi aldynda ustalǵan jańaózendikterdiń bir toby otyrǵan. Áltaevtyń ózi de osy basqarmaǵa kelip, ustalǵan munaıshylardyń jaǵdaıyn bilmek bolǵan.

Sot saıasatkerdiń bul áreketin "beıbit mıtıń ótkizý zańyn buzý" dep tapqan. Áltaev apelásıalyq shaǵym túsirmek. Muhtar Taıjanǵa qatysty resmı aqparat ázirge jarıalanbady.