Búgin Almaty qalasyda Halyqtyq parlament ókilderi baspasóz konferensıasyn ótkizdi. Atalǵan sharaǵa Halyqtyq parlament ókilderi Jibek Amenova, Batyr Adaıbaev jáne Jarqyn Kýrentaev qatysty. 

Zańger, qoǵam belsendisi atalǵan baspasóz konferensıasy Batyr Adaıbaev Jańaózendegi jáne Almatydaǵy oqıǵaǵa baılanysty ótip jatqanyn aıtty. 

"Búgin aıaq astynan HP múshesi Muhtar Taıjan ustaldy. Mańǵystaý munaıshylarynyń talaptaryn qoldaımyz. Olarǵa bılik qoldanǵan kúsh zańsyz dep esepteımiz. HP retinde, qoǵam belsendisi retinde kúsh qoldaný zańsyz dep tanylýy kerek dep esepteımiz. Áltaev pen Taıjannyń ustalýy da zańsyz dep eseptep, qarsylyǵymyzdy bildiremiz", dedi zańger. 

Qoǵam belsendisi Jarqyn Kýrentaev jýrnalıserdiń Rysbek Sársenbaıulyna qatysty suraǵyna jaýap berdi. 

"Buǵan deıin Rysbek Sársenbaıuly Halyqtyq parlament jasaǵan mıtıńke jaýapkershilik alatynyn aıtqan bolatyn. Biraq bılik Rysbek Sársenbaıulyn ustaýdan qorqyp, ádeıi Taıjandy alyp ketti", deıdi ol. 

Sondaı aq olar Halyqtyq Parlament jumysyn toqtatpaıtynyn, qazir bir top Halyqtyq parlament ókili alańǵa jınalyp jatqanyn aıtty.

"Jańaózen jigitterin qamaǵan kezde kúni boıy mınıstr qorqyp, tyǵylyp, halyqtyń aldyna shyqqan joq. Eger sol kezde mınıstr qoryqpaı halyq aldyna shyǵyp, búkil jaýapkershilikti óz moınyna alǵanda mundaı daý týmas edi", dep sózin aıaqtady Jarqyn Kýrentaev.