Astanada narazylyq jasaǵan jańaózendik munaıshylar qalaǵa oralyp, “Ózenmunaıgaz” keńsesi aldynan talaptary oryndalǵanǵa deıin ketpeıtinin málimdep, vıdeo úndeý jasady.

"Biz Astanadan aman–saý úıimizge oraldyq. Biraq naqty sheshim shyqqan joq. Sheshim shyqqanǵa deıin "Ózenmunaıgaz" ǵımaratynyń aldynda bolamyz" – dedi munaıshylar. 

Eske sala keteıik, 11 sáýirde bir top jańaózendikter Astana qalasyndaǵy Energetıka mınıstrligi ǵımaratynyń janynda pıket uıymdastyrǵan bolatyn. Olardyń narazylyqqa shyǵýyna jumyssyzdyq sebep bolǵan. "Beraly Mańǵystaý" kompanıasy tenderden utylǵandyqtan, jumys oryndarynan aıyrylǵan munaıshylar Energetıka mınıstrliginiń aldyna túnegen. Olardy 12 sáýir kúni polısıa bólimshesine alyp ketken bolatyn.

Sondan keıin Jańaózendegi ákimshilik aldyna jınalǵan bir top turǵyndar vıdeoúndeý jasady. Olar Astanadaǵy munaıshylardyń bosatylýyn talap etti. Keıinnen munaıshylardyń bosatylýyn talap etkender sany artyp, áleýmettik jelide vıdeoúndeýler tarap ketti. Keıinnen mınıstrlik olardyń máselesi sheshiletinin aıtyp, munaıshylardy Mańǵystaýǵa jóneltken bolatyn.