Almaty oblysy ákiminiń ókimimen,  prezıdent ákimshiliginiń kelisimimen Nurlan Erǵalıuly Ábdirahym Almaty oblysy ákiminiń birinshi orynbasary laýazymyna taǵaıyndaldy.

Nurlan Erǵalıuly 1980 jyly týǵan, qazaq, bilimi joǵary, 2001 jyly «Qaınar» ýnıversıtetin «zańger» mamandyǵy boıynsha bitirgen, 2016 jyly Qazaqstan Respýblıkasy Prezıdentiniń janyndaǵy Memlekettik basqarý akademıasynyń Ulttyq memlekettik saıasat mektebi «Saıasattaný» mamandyǵy boıynsha áleýmettik bilim magıstri akademıalyq dárejesin alǵan.

Eńbek jolyn 1999 jyly «Djakýbaev D.M.» JK aǵa zańgeri bolyp bastaǵan. Ár jyldary «Astanaenergoservıs» AAQ tutynýshylarmen jumys jónindegi qyzmettiń jeke tulǵalarǵa qyzmet kórsetý bóliminiń №2 abonenttik ýchaskesiniń baqylaýshysy, «Qazaqstan Respýblıkasynyń Zańnama ınstıtýty» JAQ taǵylymdamashysy, Qazaqstan Respýblıkasy Ádilet mınıstrliginiń Zańnama departamentiniń jetekshi mamany, bas mamany, bólim bastyǵy, basqarma bastyǵynyń orynbasary, dırektorynyń orynbasary, Normatıvtik quqyqtyq aktilerdi tirkeý departamentiniń dırektory, Zańǵa táýeldi aktiler departamentiniń dırektory, Zıatkerlik menshik quqyǵy komıtetiniń tóraǵasy, Qazaqstan Respýblıkasy Ádilet mınıstriniń keńesshisiniń mindetin atqarýshysy bolyp qyzmet atqarǵan.

2012-2019 jyldary Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bóliminiń memlekettik ınspektory, 2019-2021 jyldary Qazaqstan Respýblıkasy Prezıdenti Ákimshiliginiń memlekettik ınspektory laýazymdaryn atqardy.

2021 jyldyń mamyr aıynan Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bólimi meńgerýshisiniń orynbasary.

«Qurmet» ordeniniń ıegeri.