Astana qalasynda shahmattan ótip jatqan Qazaqstan men álem quramasy arasyndaǵy kezdesýde taǵy bir sensasıa tirkeldi. Bıbisara Asaýbaeva álemniń úzdik shahmatshysyn qatarynan ekinshi ret utqan.

Asaýbaeva qytaılyq shahmatshy, álemniń tórt dúrkin chempıony Hoý Ifandy ekinshi ret jeńdi. Bul týraly Qazaqstan shahmat federasıasynyń resmı paraqshasy málimdedi.

"Bıbisara Asaýbaeva FIDE reıtıńindegi eń myqty shahmatshy Hoý Ifandy ekinshi ret utty. Alǵa, Bıbisara!" – dep habarlady federasıanyń resmı paraqshasy.

Eske sala keteıik, Astanada shahmattan álem chempıony ataǵy úshin talas ótip jatyr. Osyǵan deıin qazaqstandyq shahmatshy Bıbisara Asaýbaeva blıs shahmattan álemniń eki dúrkin chempıony atanǵan bolatyn.