Kárim Másimov ólim aýzynda jatyr,  dep habarlady burynǵy UQK basshysynyń PR qyzmeti.

4 sáýir kúni amerıkalyq Djons Hopkıns ýnıversıtetiniń dárigeri, doktor Ernest Braýn Kárim Másimovtiń qamaýda bolýyna baılanysty erte qaıtys bolýy múmkin ekenin aıtty. 

Másimovtiń dárigeri Braýn onyń 2023 jyly qańtarda shuǵyl operasıadan aman qalǵanyn habarlady. Ol kóz kataraktasy men júregi aýyratyn Másimovti  ýaqytsha ustaý ızolátorynda ustaý ınfark nemese ınsýlttan qaıtys bolýyna ákelýi múmkin ekein aıtty.

"Medısınalyq kómek berilmese, Másimovtyń jaǵdaıy nasharlaı beredi. Men Gıppokratqa ant bergendikten, qaralýshymnyń jaǵdaıyna nemquraıly qaraı almaımyn"– dedi dáriger.

Braýn Kárim Másimovtiń bosatylýyn talap etti. Sonymen qatar, BUU–nyń jumys toby da Másimovti bosatýǵa ótinish bildirip jatyr.

Kárim Másimov sońǵy ret 2022 jyldyń 6 qańtarynda Aqordada ótken Qaýipsizdik keńesi otyrysynda kópshilik aldyna shyqqan bolatyn. Sol kúni ol qyzmetinen bosatylyp, ornyna Ermek Saǵymbaev taǵaıyndalǵan edi. 8 qańtarda UQK baspasóz qyzmeti Másimov pen onyń orynbasarlary ustalǵanyn habarlady.