Túrkıa prezıdenti Redjem Erdoǵan Kahramanmarash pen Gazıantepte jer silkinisinen zardap shekkenderge jańa úılerdiń kiltin tabystady. Memleket basshysy Gazıantepte josparlanǵan 50 myń páterge qosymsha taǵy 50 myń páter salynatynyn málimdedi. 

"Apat bolǵan aımaqta 507 myń páter men 143 myń jeke úı salynady. Onyń 319 myńy 1 jyl ishinde beriledi. 60 myń páterdiń irgetasy qalandy. Úzdiksiz jumys júrip jatyr. Bizdiń mindetimiz – jer silkinisinen zardap shekken azamattardy jańa úılerge tez arada qonystandyrý", – dedi Túrkıa prezıdenti.

Osyǵan deıin Erdoǵan Túrkıalyqtarǵa gaz men ystyq sý bir jyl boıy tegin beriletinin málimdegen bolatyn. Onyń aıtýynsha, Túrkıa halqy bir aı ishinde úı sharýashylyǵy gazga tólem jasaýdan bosatylady.

Eske sala keteıik, 14 mamyr kúni Túrkıada prezıdent saılaýy ótedi. Belsendiler Erdoǵannyń bul sheshimderin saılaý aldy naýqanmen baılanystyrady.  

Derekkóz: Anadoly agenttigi