Qazaqstanda 14 myńnan astam shetel azamaty jumys isteıdi.  2023 jyldyń 1 sáýirindegi statısıka boıynsha jergilikti atqarýshy organdardyń ruqsatymen Qazaqstanda 14 417 shetel azamaty jumys isteıdi, dep málimdedi Eńbek jáne halyqty áleýmettik qorǵaý mınıstrligi. 

Sheteldik jumys kúshin tartý boıynsha basshylar men olardyń orynbasarlaryna – 584, qurylymdyq bólimshelerdiń basshylyǵyna – 3028 adam alýǵa ruqsat berilgen. Bular aldyńǵy sanattaǵy mamandarǵa jatady. Alaıda elimizge tartylǵan jumys kúshiniń negizgi bóligin úshinshi jáne tórtinshi sanattary mamandar quraıdy. Olardyń jalpy sany – 8067 adam.  Sondaı–aq maýsymdyq jumysqa 1302 adam, korporatıvtik aýysym aıasynda 1437 adam jumysqa alynǵan. Qazaqstanda jumys isteıtin sheteldikter Qytaı, Úndistan, Túrkıa, Ózbekstannan kelgen.

Eldegi jalpy jumys sany boıynsha qazir Qazaqstanda 1693 jumys berýshi 407,9 myńnan astam Qazaqstan azamatyn jumysqa alǵan, bul jalpy qyzmetkerler sanynyń 96 paıyzyn quraıdy.

Eske sala keteıik, ishki eńbek naryǵyn qorǵaý maqsatynda Eńbek mınıstrligi jyl saıyn sheteldik mamandardy tartýǵa kvota bóledi. 2023 jyly jalpy kvota eldegi jumys kúshiniń 0,24 paıyzyn quraǵan.