Taldyqorǵandaǵy sot 28 sáýirde Kúdebaevty "Qańtar oqıǵasy kezinde qyzmetin asyra paıdalandy" dep 10 jylǵa sottady. Prokýratýra Kúdebaevti Qańtar oqıǵasy kezinde "qyzmet ornyn ádeıi tastap ketti" dep aıyptaǵan. Sonymen qatar, Kúdebaev quqyq qorǵaý organdary men memlekettik mekemelerde  jumys isteý quqyǵynan 10 jylǵa aıyryldy.

Serik Kúdebaev Qańtar oqıǵasy kezinde komendant retinde polısıa departamentiniń ǵımaratynan ketip, tártipsizdikke qatysýshylardyń qarý urlaýyna múmkindik berdi dep aıyptalǵan bolatyn.

Ol sot otyrysyna kelmeı qashyp ketken edi. Keıin Kúdebaevtiń Qyrǵyzstanmen shekarany kesip ótip, Bishkekten Ystambulǵa ushqany belgili boldy. Sodan beri Kúdebaevqa halyqaralyq izdeý jarıalanǵan.

Keshe Bas prokýror Kúdebaevtiń ustalǵanyn habarlady. Búgin Kúdebaevtiń sot otyrysy ótip, ol taǵylǵan aıypty moıyndamaıtynyn málimdep, sottaǵy sońǵy sózin aıtqan bolatyn.