Eýroodaq elderi Reseıge sanksıany aınalyp ótýine kómektesip otyrǵan elderge janama sanksıa salý mehanızmin qarastyryp jatyr. Oǵan birinshi kezekte Ortalyq Azıa elderi ilinýi múmkin. Bul jóninde Bloomberg agenttigi jazdy.

"Janama sanksıanyń maqsaty – basqa elderdiń Reseıge kómektesýin tejeý jáne Máskeý paıdalanýy múmkin saýda arnalaryn shekteý. Eger odan nátıje bolmasa, odaq ekinshi qadam retinde maqsatty túrde shekteý qoıý múmkindigin qarastyrady" – dep jazdy Bloomberg.

Agenttiktiń habarlaýynsha, Reseı basqynshylyǵyna baılanysty Máskeýge sanksıa salynǵannan keıin bul elge Qazaqstan, BAÁ, Túrkıa, Qytaı jáne ózge elderden birqatar taýar túrin tasymaldaý kúrt artqan.

Batys úkimetteriniń aıtýynsha, Ýkraınaǵa shabýyldap jatqan Reseıge bul komponentter drondary men raketalaryn jóndeý úshin kerek.