Sheteldik ınvestorlar basshylyǵynda birde–bir áıel kezdespeıtin kompanıalarǵa aqsha salǵysy kelmeıdi, dep habarlady "Samuryq–Qazyna" Ulttyq ál–aýqat qory AQ basqarma tóraǵasy Nurlan Jaqypov. Ol bul jaıly kompanıalar men uıymdardyń basqarýshy organdarynda áıelder úlesin arttyrýǵa baǵyttalǵan "Genderlik teńdik" baǵdarlamasynda málim etti.

"Qazirgi qoǵamda kompanıalar genderlik teńdik prınsıpine mán bermese, osy maqsatta is–áreket jasamasa, ınvestorlar men klıentterdiń qyzyǵýshylyǵyn joǵaltady. Sondyqtan bul kompanıa turaqtylyǵyn saqtaý úshin mańyzdy máselelerdiń biri", – dedi Nurlan Jaqypov

Eske sala keteıik, 2022 jylǵy kórsetkish boıynsha elimizde basshylyq qyzmettegi áıelder sany 30% ǵa jetpeıdi. Al Qazaqstandaǵy genderlik statısıkaǵa sáıkes áıelder men erlerdiń arasyndaǵy jalaqy alshaqtyǵy 25% quraıdy.