Pıramıda uıymdastyrý faktisin QMA Qostanaı oblysy boıynsha departamentiniń qyzmetkerleri anyqtaǵan.
"2021 jyly sottalýshy "Antares" qarjy pıramıdasynyń qurylymdyq bólimshesin basqarǵan. Ol azamattardy aldap, pıramıdaǵa qolma–qol aqsha salýǵa shaqyrǵan. Pıramıda qurbandary kúndelikti paıda kóretinine senip qalǵan" – delingen habarlamada.
Nátıjesinde 33 jábirlenýshi jalpy somasy 50 mln teńgege jýyq aqshasyn pıramıdaǵa salyp jibergen, dep habarlaıdy Ulysmedia.kz.
Aıyptalýshy 6 jylǵa bas bostandyǵynan aıyrylǵan. Alaıda sot qylmyskerdiń júktiligi men kámeletke tolmaǵan 3 balasy baryn esepke ala otyryp, jazany oryndaýdy 5 jylǵa keıinge qaldyrdy. Úkim zańdy kúshine engen joq.
Pikir qaldyrý