Almatyda narazylyq aksıasyn ótkizgen kıno rejıserlerine aıyppul salyndy. Bul týraly 17 mamyrda ótken baspasóz máslıhatynda rejıserlerdiń ózderi málimdedi.

Aksıaǵa qatysqan segiz adamǵa 70–170 myń teńge aralyǵynda aıyppul salynǵan, dep habarlady Azattyq radıosy. Polısıa narazylyqqa shyqqandardy zańsyz mıtıń ótkizdi dep aıyptaǵan.

"Olar maǵan keshe qońyraý shaldy. Sol kezde narazylyqqa shyqqandardyń barlyǵyna ruqsat etilmegen mıtıń ótkizgeni úshin dep aıyppul saldy. Biraq bizde bul mıtıń emes, jaı ǵana narazylyq aksıasy boldy. Biz saıası talap qoıǵan joqpyz, óndiristik mádenı talap qoıdyq", – dedi "Ata production" stýdıasynyń jetekshisi Ǵalı Myrzashev.

Eske sala keteıik, ótken aptada birqatar rejıserler men senarıster memlekettik kıno ortalyǵyna jınalyp, baıqaý qorytyndysyna narazylyq bildirgen edi.