Qyrǵyzstandaǵy Dmıtrevka aýylynda atys bolyp, 2 adam zardap shekti dep habarlaıdy 24.kg. Qyrǵyzstannyń İshki ister mınıstrligi arnaıy operasıa barysynda qarýly terrorıstiń joıylǵanyn resmı túrde málimdedi. 

"Terrorısttiń kózi joıyldy. Oqıǵa ornynda İİM jáne UQK basshylary bar. Qazirgi ýaqytta İİM jedel-tergeý toby jumys isteıdi. Tolyǵyraq aqparat sál keıinirek beriledi", delingen mınıstrliktiń resmı habarlamasynda. 

Jergilikti BAQ-tyń dereginshe arnaıy operasıa kezinde 2 qyzmetker jaraqat alǵan. Jaraqat alǵandardyń biri aýrýhanaǵa jatqyzyldy. Atys aýyldyq keńes pen áıelder medresesiniń ǵımarattary arasynda bolǵandyǵy anyqtaldy. Stýdentter evakýasıalandy jáne turǵyndardyń arasynda zardap shekkender joq.