Sybaılas jemqorlyqqa qarsy qyzmet Arystanbek Muhamedıulyn jala japqany úshin sotqa bermekshi. Antıkor qyzmetkerleri eks–depýtattyń "Dıplomat" qonaq úıin reıderlik jolmen tartyp alyp, úshinshi tulǵaǵa berýge májbúrledi"  degen málimdemesine kelispeıdi.

"Muhamedıulyna 221 mln teńge jymqyrdy degen aıyp taǵylyp, jınalǵan dálelder rastaldy. Endi buǵan qorytyndy baǵany sot beredi. Al "Dıplomat" qonaq úıine qatysty aıyptaýlar bólek sot isi retinde qarastyrylady", – delingen agenttiktiń resmı habarlamasynda.

Antıkor Muhamedıulynyń bul áreketin "sot pen halyqty shatastyrý arqyly taǵylǵan jaýapkershilikten jaltarý" dep sanaıdy.

Eske sala keteıik, burynǵy mádenıet mınıstri 2022 jyly qamaýǵa alynǵan bolatyn. Ol memleketke shamamen 7 mlrd teńgege jýyq shyǵyn keltirgen.