Ekologtardyń tekserisinen keıin «ArselorMıttal Temirtaýǵa» aýany lastaǵany úshin 1 mlrd teńgeden astam aıyppul salyndy, dep habarlady Qaraǵandy oblysynyń Ekologıa departamenti. 

2022 jyldyń 5 qyrkúıegi men 3 qazany aralyǵynda "ArselorMıttal Temirtaý" AQ–ǵa jospardan tys tekserý júrgizilgen. Tekserý barysynda ónerkásip ornynda Qazaqstan Respýblıkasynyń ekologıalyq zańnamasy óreskel buzylǵany anyqtaldy.

"Negizgi zań buzýshylyq – koks, JEO 2, aglomerasıa, domna, №2, №3 metal ıleý jáne ák kúıdirý sehtarynda shyǵaryndylardyń ruqsat etilgen normadan asyp ketýi boldy. Departament ekologıalyq zańnamany buzǵany úshin 1 207 287 661 teńge ákimshilik aıyppul saldy", - dep habarlady vedomstvo.

Temirtaý qalasy ákimshilik sotynyń sheshimine sáıkes, 2023 jyldyń 15 tamyzyna deıin "ArselorMıttal Temirtaý" AQ  aıyppuldy úsh kezeńmen bólip tóleýi tıis.

Eske sala keteıik, "ArselorMıttal Temirtaýǵa" buǵan deıin de 1,2 mlrd teńge aıyppul salynǵan bolatyn.