Oblystyq TJD málimetinshe, Batpaev ormanshylyǵynyń aýmaǵynda 0,3 ga alańda aǵashtar janǵan.

«Qazirgi órtti sóndirý jumystaryna Abaı oblysy TJD-dan 31 adam jáne 9 birlik tehnıka, orman sharýashylyǵynan 28 adam jáne 14 birlik tehnıka jumyldyrylǵan. Abaı oblysy Tótenshe jaǵdaılar departamentiniń daǵdarys ortalyǵynda jedel shtab uıymdastyryldy. Eldi mekenderge qaýip joq. Meteorologıalyq jaǵdaı: +34 gradýs, soltústik jel 2 m/s. Órt sóndirýshiler órttiń órshýine jol bermeý jáne ony sóndirý úshin barlyq kúshin salyp jatyr», - delingen habarlamada.

Aıta keteıik, 22 mamyrda Altaı ólkesiniń aýmaǵyndaǵy Novenkoe aýylynyń mańynda qurǵaq shóptiń janýy saldarynan «Semeı ormany» MOTR aýmaǵynda orman órtengen bolatyn.