Jańaózendik "MýnaıSpesSnab Kompanı" kólik kompanıasynyń qyzmetkerleri Qazaqstan prezıdentine, Jańaózen ákimi men QazMunaıGaz UK AQ Basqarma tóraǵasynyń orynbasaryna beıneúndeý joldady.

Olar óz úndeýlerinde biryńǵaı jalaqy tóleý júıesiniń 70 paıyzyn engizýdi jáne jumys ornynda ystyq tamaq berýdi talap etti. Bul týraly Lada.kz basylymy habarlady. 

Statsnet servısiniń aqparaty boıynsha, "MunaıSpesSnab Kompanı" – kólik jáne qoımalaý qyzmetterin usynatyn kompanıa. Mańǵystaý oblysynda tirkelgen kompanıa  15 jyldan astam ýaqyt boıy jumys istep keledi. Kompanıada 250-500 adam jumys isteıdi. Mekemeniń jyldyq kirisi  16 851 349 000 teńgeni quraıdy.

Eske sala keteıik, 10 sáýirde  Jańaózendegi BerÁli Mańǵystaý Company mekemesiniń jumystan qysqarǵan jumysshylary Astanaǵa kelip, Energetıka mınıstrligi ǵımaratynyń aldynda narazylyqqa shyqan bolatyn.