Abaı oblysynyń ákimdigi áleýmettik jelide taraǵan "Qytaı kompanıasy Ertis ózeninde altyn qazyp alyp jatyr" degen aqparatty joqqa shyǵardy. 

"Ertis ózeniniń túbinde altyn kenin óndirý úshin QHR azamattary kelgeni týraly aqparat shyndyqqa múlde sáıkes kelmeıdi. Turǵyndardan tek resmı aqparat kózderine senýdi suraımyz. Kórineý jalǵan aqparat taratqandardyń qylmystyq jaýapkershilikke tartylatynyn eskertemiz", - delingen habarlamada.

Eske salsaq, buǵan deıin Besqaraǵaı aýdany Dolon aýylyndaǵy Ertis ózeninde qytaılyq kompanıanyń Ertis ózeninde altyn qazyp jatqany jóninde aqparat tarady. Atalǵan aqparatta "Hımıalyq zattardy (sıanıt) paıdalanyp jatyr. Sondyqtan Ertis ózeninde múlde shomylmańyzdar", dep jazylǵan.