Qyrǵyzstannyń eks–prezıdenti Qurmanbek Bakıev Qyrǵyz Respýblıkasy Qylmystyq kodeksiniń "Sybaılas jemqorlyq" baby boıynsha aıyptalyp, 30 jylǵa bas bostandyǵynan aıyryldy.

Al burynǵy prezıdenttiń kishi uly Maksım Bakıevtiń múlki tárkilenip, erekshe rejımdegi kolonıada ómir boıyna bas bostandyǵynan aıyryldy, dep habarlady 24.kg aqparattyq agenttigi.

Damý, ınvestısıalar jáne ınovasıalar jónindegi ortalyq agenttik basshysynyń burynǵy orynbasary Alekseı Elıseevke 15 myń som aıyppul salynyp, múlki tárkilenip, 30 jylǵa bas bostandyǵynan aıyryldy. 

Dúnıejúzilik bank atqarýshy dırektorynyń burynǵy keńesshisi Sadrıddın Djıenbekovtiń múlki tárkilenip, 10 jylǵa bas bostandyǵynan aıyryldy.

Qarjy mınıstriniń burynǵy birinshi orynbasary Emırlan Toromyrzaev 12 jylǵa bas bostandyǵynan aıyryldy. Sot úkimimen ol jazasyn jalpy rejımdegi túzeý kolonıasynda óteýi tıis. Onyń múlki tárkilendi, sonymen qatar ol úsh jyl merzimge memlekettik qyzmet atqarý quqyǵynan aıyryldy.

Memlekettik apparattyń zań bóliminiń burynǵy basshysy Elena Belkovskaıa múlki tárkilenip, toǵyz jylǵa bas bostandyǵynan aıyryldy.

Burynǵy tabıǵı resýrstar mınıstri Qapar Qurmanalıev múlki tárkilenip, 13 jylǵa bas bostandyǵynan aıyryldy.