Soltústik Qazaqstan oblysynda adam aıtsa nanǵysyz jaǵdaı oryn aldy. Dene shynyqtyrý sabaǵy kezinde 13 jastaǵy qyz kenetten qaıtys bolǵan. Bul týraly «Qamshy» portaly KTK telearnasyna silteme jasaı otyryp habarlaıdy.
Jasóspirimniń deni sap-saý, esh jerde medısınalyq esepte turmaǵan. Qaıǵyly oqıǵa Qıaly aýylynyń orta mektebinde boldy. Jetinshi synypta oqıtyn Svetlana Krasnoshekova sabaq endi bastalǵanda kenetten talyp qalǵan. Mektep dárigeri men jedel járdemniń 40 mınýt boıy onyń esin jıamyz degen áreketterinen túk shyqpapty. Keıin qyzdyń qulaǵan sátte-aq júregi toqtap, jan tásilim etkeni belgili boldy. Keshe, ıaǵnı 9 qazanda marqumnyń týystary Svetlanany jerledi.
