Búgin Qazaqstandyq mánerlep syrǵanaýshy, olımpıada júldegeri  Denıs Tenniń týǵan kúni. 25 jasynda ómirden ótken sportshy 1993  jyldyń 13 maýsymynda Almatyda dúnıege kelgen. Ol tiri bolǵanda búgin 30 jasqa tolar edi. 

Denıs Ten – mánerlep syrǵanaýdan 2014 jylǵy Sochı olımpıadasynyń qola, 2013 jylǵy álem chempıonatynyń kúmis medal júldegeri, Vİİ qysqy Azıa oıyndarynyń chempıony. Sonymen qatar, sportshy Qazaqstannyń úsh dúrkin chempıony, Qazaqstan Respýblıkasynyń halyqaralyq dárejedegi sport sheberi atanǵan.

Denıs Ten mánerlep syrǵanaýdan olımpıadada jáne álem chempıonatynda medal alǵan alǵashqy qazaqstandyq sportshy bolǵan. Ol tenıs, akrobatıka, taekvondo, karate, júzýmen aınalysyp, bı jáne sýret salý mektebine de barǵan. Keıinnen mánerlep syrǵanaýǵa den qoıǵan. 

Sportshy 2018 jyldyń 19 shildesinde Almaty qalasynda qaza tapty. Denıs Tendi belgisiz eki adam pyshaqtap ketken. Aýyr jaraqat alyp, 3 lıtr qan joǵaltqan 25 jastaǵy mánerlep syrǵanaýshy Almatydaǵy №12 qalalyq klınıkalyq aýrýhanada kóz jumdy.