Astanada ereýilge shyqqan BerAlı Mangıstaý Company qyzmetkerleri basqa kompanıaǵa jumysqa turýǵa kelisti. 

Olar endi Móldir Munaı Servıs  JSHS–de jumys isteıtin bolady. Bul týraly Ózenmunaıgaz kompanıasynyń baspasóz qyzmeti habarlady.

"Kompanıanyń burynǵy qyzmetkerlerin jumysqa ornalastyrý QazMunaıGaz UK AQ qaǵıdalary sheńberinde qatań túrde júrgiziledi. Ózenmunaıgaz AQ barlyq máseleni zańnama sheńberinde sheshýdi qoldaıdy" – delingen habarlamada.

Jańa jumys ornynda olardyń buǵan deıingi eńbek jaǵdaılary tolyq saqtalady.

Eske sala keteıik, 11 sáýirde bir top jańaózendikter Astana qalasyndaǵy Energetıka mınıstrligi ǵımaratynyń janynda pıket uıymdastyrǵan bolatyn. Olardyń narazylyqqa shyǵýyna jumyssyzdyq sebep bolǵan. "Beraly Mańǵystaý" kompanıasy tenderden utylyp, jumys oryndarynan aıyrylǵan munaıshylar Energetıka mınıstrliginiń aldyna túnegen. Keıin arnaıy komısıa qurylyp, munaıshylarmen kelissóz júrgiziletinin habarlaǵan bolatyn.