Áleýmettik jelilerde Abaı oblysynyń ákimi Nurlan Uranhaevtyń qyzy Márıam Uranhaevanyń qymbat brendterden kıinip, saýyq–saıran salyp júrgen vıdeolary qyzý talqyǵa tústi.  

20 jastaǵy boıjetkenniń qymbat áshekeıleri men tanymal brend sómkeleriniń baǵasy jeli qoldanýshylarynyń ashýyna tıdi. 

Ol áleýmettik jelidegi paraqshasyna 15 mıllıondyq alqasy men 8 mıllıondyq júzigin, Cartier brendiniń 14 mıllıondyq alqasynyń sýretin júktegen. Ári ákimniń qyzynda Hermes brendiniń birneshe sómkesi bar ekeni baıqalady. Al ol sómkelerdiń baǵasy 21 mıllıon teńgeden asady.

Abaı oblysynyń ákimi Nurlan Uranhaev osyǵan deıin jalaqysy 1 mıllıon 900 myń teńge ekenin málimdegen bolatyn. Alaıda onyń qyzynyń 21 mılııondyq sómkemen júrgeni jeli qoldanýshylarynyń shamdandyrdy. 

"Onyń osy saýyq–saıranynyń quny 14 adamnyń ómirimen óteldi", "Osy sómkelermen qansha halyqty qamtamasyz etýge bolar edi", "Al munyń ornyna jabdyqtar alýǵa bolar edi", "Halyqtyń qaýipsizdigine bólingen qarajat kimniń qaltasynda ketkeni belgili boldy"  dep jazdy jeli qoldanýshylary.