Almaty ákimi Erbolat Dosaev pen Coursera dırektory Djeff Majıonkalda qalanyń tehnıkalyq jáne kásiptik bilim berý uıymdarynda onlaın-oqytýdyń jahandyq platformasyn engizý maqsatynda ekijaqty yntymaqtastyq máselelerin talqylady. Kezdesýge Qazaqstandaǵy Coursera dırektory Raýan Kenjehanuly qatysty, sondaı-aq elektrondyq bilim berý salasyndaǵy Bilim Media Group jáne t. b. kompanıalardy tanystyrdy.

Erbolat Dosaev atap ótkendeı, Almaty servıs pen tehnologıanyń eń iri qalasy retinde oqytýdyń zamanaýı quraldaryn talap etedi. Jyl saıyn tehnıkalyq jáne kásiptik bilim berý salasynda qosymsha baza men oqytý baǵdarlamalaryn talap etetin jańa mamandyqtar paıda bolýda. Búginde Almaty qalasynda 85 tehnıkalyq-kásiptik bilim beretin uıym jumys isteıdi, onda 80 myńnan astam stýdent oqıdy.

Óz kezeginde Djeff Madjıonkalda Coursera sıfrlyq oqytý platformasy týraly aıtty. Bul – stýdentter men tárbıeshilerge álemdik deńgeıdegi ýnıversıtetter men kompanıalardyń onlaın kýrstaryna qol jetkizýdi usynatyn jahandyq platforma. Coursera óz platformasynda 118 mıllıonnan astam oqýshyny biriktiretin eń iri jáne bedeldi jahandyq bilim berý ekojúıeleriniń biri bolyp tabylady.

Coursera biryńǵaı pakette qala kolejderiniń stýdentteri men oqytýshylary úshin qazaq, orys jáne aǵylshyn tilderindegi kýrstarǵa, sondaı-aq kolejderdi college.smartnation.kz avtomattandyrý platformasyna jáne stýdentterdi jumysqa ornalastyratyn beam.kz platformasyna qoljetimdilikti qamtamasyz etedi.

Kezdesý qorytyndysy boıynsha taraptar ekijaqty qarym-qatynastardy odan ári damytý, stýdentterdi onlaın-oqytýǵa keńinen tartý týraly ýaǵdalasty.