Bas prokýratýra Abaı oblysyndaǵy órtke baılanysty qozǵalǵan is aıasynda Ilın, Súleımenova, Uranhaev jáne Ahmetovti tergeıdi. 

Bas prokýrordyń orynbasary Jandos Ómirálıev Abaı oblysyndaǵy órtke baılanysty "eki nemese odan da kóp adamnyń ólimine ákelgen órt qaýipsizdigi erejelerin saqtamaý" jáne "salǵyrttyq" boıynsha eki qylymystyq is qozǵalǵanyn málimdedi. Onyń aıtýynsha, órtke qatysy bar barlyq laýazymdy tulǵadan jaýap alynady.

"Qazir eki isti bas prokýratýra tergep jatyr. Tergeý aıasynda óz mindetine salǵyrt qaraǵan, sonyń nátıjesinde áreketi qaıǵyly oqıǵaǵa sebep bolǵan laýazymdy tulǵalardyń barlyǵy anyqtalady... Laýazymdy tulǵalardyń áreketine ázirge baǵa berilgen joq. Barlyǵy jaýapqa tartylady"– dedi Jandos Ómirálıev.

Eske sala keteıik, Abaı oblysyndaǵy orman órtinen 15 adam qaza tapqan bolatyn. Qazir tilsiz jaýdy aýyzdyqtaýǵa 1800 ge jýyq adam jumyldyrylǵan.