Mańǵystaýdaǵy Qaraturyn ken ornynda alty kúnnen beri uńǵyma janyp jatyr.

Tótenshe jaǵdaılar departamentiniń málimetinshe, órt 9 maýsymda burǵylaý quralyn kóterý kezinde bastalǵan. Aqtaýdan 277 km, aýdan ortalyǵy Shetpeden 135 km qashyqtyqta ornalasqan ken orynda órt sóndirý jumystary áli kúnge deıin jalǵasyp jatyr. 

Oqıǵa orynda ashyq gaz fontany paıda bolǵandyqtan, órtengen aýmaqqa jaqyndap, arnaıy órt sóndirý quraldaryn paıdalaný qıynǵa soqqan. Qazirgi ýaqytta órtti aýyzdyqtaýǵa  2 qyzmetker men 17 tehnıka jumyldyrylǵan.Órtten zardap shekkender tirkelmegen. 

13 maýsymda Mańǵystaý oblysynyń ákimi ken ornyndaǵy burǵylaý kezinde shyqqan órtke baılanysty shuǵyl keńes ótkizgen. Keńeske energetıka vıse–mınıstri Asqat Hasenov, QazMunaıGaz AQ, Ózenmunaıgaz AQ basshylyǵynyń jáne osy kompanıanyń basqa da bólimsheleri men merdigerleriniń ókilderi qatysqan. Biraq keńestiń qandaı sheshimmen tarqaǵany ázirge belgisiz.