Abaı oblysyndaǵy órtti sóndirýge ketip, qaza tapqan traktorshy órtten zardap shekkender qataryna kirmeıdi. Bul týraly májilis kýlýarynda Bas prokýrordyń orynbasary Jandos Ómirálıev málimdedi.

"Saraptama qorytyndysyna sáıkes, Sergeı Arhıpovtiń ólimi júrek qyzmetiniń jetkiliksiziginen bolǵany anyqtaldy. Sondyqtan ol orman sharýashylyǵynyń 14 qyzmetkeri sıaqty órtten qurban bolǵandardyń qataryna jatpaıdy. Arhıpovtyń denesi de, traktory da órt bolǵan aımaqtan basqa jerden tabyldy. Bul jaǵdaı onyń otbasy úshin aýyr jaǵdaı. Biraq ol órttiń saldarynan qaza bolmaǵan. Tıisinshe órtten qaıtys bolǵan azamattardyń sanatyna jatpaıdy" – dedi Bas prokýrordyń orynbasary Jandos Ómirálıev.

Sonymen qatar, Ómiralıev bul máselená óńirdiń oblystyq ákimdigi qarastyratynyn, Ahrıpovtiń otbasyna kómektesem deýshiler bolsa, bul árekettiń zańǵa qaıshy emes ekenin de aıtty. 

Eske sala keteıik, keshe Abaı oblysyndaǵy órtten keıin joǵalyp ketken orman sharýashylyǵynyń taǵy bir qyzmetkeri Sergeı Arhıpovtiń denesi tabyldy. Traktorshy bolyp qyzmet etken ol "Semeı ormany" Dolon fılıalynan órt sóndirýge barǵan.