Bes oń energıa:

Birinshi - senim,
Ekinshi - úmittený,
Úshinshi - rızashylyq,
Tórtinshi - qýanysh,
Besinshi - sabyrly bolý.

Bes teris energıa:

Birinshi - kúmandaný,
Ekinshi - qorqý,
Úshinshi - ókpeleý,
Tórtinshi - ashýlaný,
Besinshi - úshqalaqtyq.

Men, búgin " Jaqsydan úıren..." jáne " Dástúr jalǵastyrý" Whatsapp jelisindegi toptan kelgen "Bes oń energıa men Bes teris energıa" degen shaǵyn túsindirmeni kórip, oqyp, sodan qortqan oıymdy ortaǵa saldym...

Oń energıa men teris energıaly adamdar jaıly

Oń energıaly adam - júregine kir jınamaı nur jınaıdy. Jaqsylyqtyń taza, pák, móldir nury bolady. Ol nur - adamdy jarqyratyp kórsetedi. Oń energıaly adam ár kúni uıqydan oıanyp, ornynan turǵanda, jarqyrap shyqqan kúndeı jaınap aldyńda tap - taza qalpymen móldirep turady. Jep-jeńil seziledi. Keı teris energıaly adamdar aýyr seziledi. Óıtkeni onyń boıynda da, júreginde de aýyr, batpandaı jamandyq uıalap jatady. Ol qarsy jaqtaǵy adamǵa da, zor áserin tıgizip jap-jaqsy kóńil kúıin buzady. Sezimine masyldyq túsiredi. Ondaı janmen til tabysýda qıyn bolady. Onyń jan saraıynda jamandyq. qyzǵanysh, qastyq, qataldyq, zalymdyq, eki betkeılik, kúnshildik, alaıaqtyq, aramzalyq mystandyq, ózimshildik, tákapparlyq, arsyzdyq, ımansyzdyq, daraqylyq, ádepsizdik, uıatsyzdyq, ıttik, zúlymdyq, qanisherlik, urlyq, betpaqtylyq, aıaýsyzdyq, aıyrlyq syndy óte kóp batpandaı masyl jamandyq jasyrynyp jatady...
Atam qazaq "Bir basqany kúkirt, bir basqany totıayn" degendi osyndaı teris energıaly adamdarǵa qarata qoldanyp aıtqany aıdan anyq aqıqat. Sondyqtan teris energıaly adamdardan adam balasyna esh opa kelmeıdi.
Dúnıedegi adam óltirý, soǵys bastaý, qan tógý, zına jasaý, urlyq isteý, adam jamandaý, ósek aıtý, qorlaý, zorlaý, takapar bolý, basqalardy mensinbeý, ózin zor, basqany qor sanaý, kózge ilmeý, adam sabaý, nashaqolyq narkotık, alqash bolý, halyqqa qarsy túrý, ımanǵa kelmeý , tártipke boı usynbaý, álzsizdi basyný, otbasyn qurdymǵa jiberý, adamdyqtan dyrdaı, kisilikten jurdaı pendelerdiń bári tek qana teris energıany tolyq qabyldap, júregine kir jınaǵan jandar.
Ómirden ónege jımaı, óshtik pen kek jınaǵan jandar. Olardyń psıhıkasy aýytqyǵan aýrý adamdar. Olar jaqsylyqty qabyldamaıdy. Jamandyqty janyndaı jaqsy kóredi. Ári ony durys jol dep qabyldaıdy. Ózderi qabyldaǵan shyndyqtan basqany teriske shyǵarady. Basqaǵa qulaq salmaıdy, tyńdamaıdy. Óıtkeni olarda ondaı Oń energıa qabyldaıtyn qulaq ta, júrek te joq.
Uly seziminde bos oryn qaltyrmaǵan. Bárin jamandyqqa jaman oılaýǵa, kúmanmen qaraýǵa, senimsizdikke júrekterin lyq toltyryp alǵan. Sondyqtan odardy ómirge durys kózqaras ornata almaı keldi - ketti bolyp ómirdiń teris baǵytynda , ótip bara jatqan tiri ólekter deýge bolady.
Qudaı ondaı qasiret pen keri kesirden saqtasyn. Bizdiń qazaq halqy ondaı jamandyqtan aýlaq. Túmen - túmen ǵasyr oń energıaly baǵytpen baqytty ómir súrip keledi. Uly dalany ulǵatty aqyl parastymen kóz qarashyǵyndaı qorǵap keledi. Uly urpaǵyn oń energıamen tártipti etip tárbıelep keledi. Tap - taza jany túnyq jarqyn júzben perishtndeı ómir súrip keledi. Áli de solaı ómir súre beredi...

Oń energıa – jaryq nur

Adam balasynyń júregine uıa salǵan jaqsylyq, meırim, súıispenshilik, móldir mahabbat , qaırymdylyq, adaldyq, ar- uıat, ádep, ıba, ıman, kisilik, janashyrlyq, jomarttyq, aıaýshylyq, qajyrlyq, qýanysh sezimi, bereke, birlik, qarapaıymdylyqtyń bári tek qana oń energıadan týyndaıdy. Osynyń bári oń energıanyń tól enshisi, uly jaratylysy bolyp tabylady.
Biz, sony bilýmiz ári ony moıyndaýmyz kerek.. Adam táni men jan sáýlesiniń keremet ólshemderi bar:
Ol – oń energıaly adamnyń aqyl qaltasyndaǵy, oı qorjynyndaǵy, jan saraıyndaǵy, qýanysh qutyndaǵy, júrek túkpirindegi, ádep áletindegi, namys naryndaǵy, ıman ıbalylyǵyndaǵy, ıba ınabatyndaǵy, bilim teńizindegi, óner órisindegi, ar tarazysyndaǵy, azamattyq bolmysyndaǵy, qıal qyryndaǵy, kóńil kóktemindegi, sezim syryndaǵy, ómir aıdynyndaǵy, tirshilik aıasyndaǵy is-áreketindegi baǵyt-baǵdaryndaǵy, oń energıanyń durys qalyptasýynan sol adam ómir boıy izgi ister istep, baq pen baqytqa, uly tabystarǵa qoly jetedi. Tolaǵaı eńbek jemisterine keneledi.
Mine, bul adam bolmysynyń uly jaratylysy, uly rýhynyń, uly oń energıanyń uly jemisi bolyp tabylady.
Biz, eń áýeli óz bolmysymyzdy, azamattyq ustanymmyzdy, kisilik kózqarasymmyzdy, baǵyt - baǵdarymmyzdy, ómir - tirshilik jolymyzdy, jan saraıymyzdy , bilim - ónerimmizdi, minez - qulqymyzdy oń energıaǵa baǵyndyryp, qaraqan basymyzdy ońaltyp alýmyz kerek. Sosyn baryp urpaǵymyzdy da sol oń energıalyq nurly jolǵa salýmyz tıis. Sonda ǵana uly ómirdiń, jarqyraǵan jaqsy tirliktiń qadyr - qymbatyna jetip, jer betinde mándi de sándi, sanaly da sapaly ómir súre alamyz. Urpaq aldyndaǵy uly mindetimiz ben uly paryzmyzdy tolyq oryndaǵan bolamyz.
Jer betindegi , uly jahandaǵy tirshiligimizdi minsiz ári maǵynaly ótize alamyz. Bul buljymas aqıhat. Shyńǵyrǵan ashshy shyndyq.

Teris energıa – jamandyq qaltasy

Siz, eger, teris energıany qabyldap, ómir súrseńiz - aýrý, joqshylyq, qıyndyq, berekesizdik, qaryz basty bolyp ómir súresiz. Sondyqtan teris energıany júrekke qabyldamaý kerek. Tipten jaman, kúmándi oılamaý kerek. Bárin bolymdy jaqsy jaqqa balap qabyldaǵan durys bolady. Bireýge óshtespeý kerek. Teris energıanyń kiretin esigi – óshtik pen kúnshildik, qyzǵanysh pen ishtarlyq, baqastyq pen astamdyq, ósek pen ǵaıbat, bilimsizdik pen ǵylymsyzdyq, arsyzdyq pen uıatsyzdyq, ımansyzdyq pen ıbasyzdyq.
Mine, teris energıa osy syndy toqsan toǵyz esikten kirip, aldymen júregińdi kirletedi, kózińdi soqyr qulaǵyńdy sańyraý etedi. Sezimińdi kirletedi, kóńilińdi qarańǵy etedi. Adamdyq bolmysyńnan aıyrady. Oń energıańdy qýyp tastaıdy da, búkil sanańdy jaýyp, jaýlap, ýlap tastaıdy. Sosyn boldy qutyrǵan minez, jyndanǵan tirilik,mán - maǵynasyz ómirdiń batpaǵyna batasyń da ketesiń. Aýrý jandaı alasuryp ómirden esh lázzat tappaı, bárine qarsy bolyp ótesiń.
Ol - jaman aýyrýda da jaman. Sondyqtan oń energıamen ómir súrýge daǵdylanǵan jón...
Sen, eger, tutas bolmysyńdy oń energıaǵa toltyryp alsań, teris energıa kiretin esik emes- aý, sańlaý da qalmaıdy.
Men, bilgenimdi jazdym. Aqyl aıtpaq emespin. Arly sózge arsyz ul ǵana jaýap qaıratynyn jaqsy túsinemin!!!

Bolat Bopaıuly