Ulybrıtanıa premer-mınıstri Devıd Kemeron men Germanıa kansleri Angela Merkel Reseıge qatysty sanksıalardyń saqtalatynyn aıtty. Bul týraly «Qamshy» portaly bbc.com-ǵa silteme bere otyryp habarlaıdy.
«Mınsk kelisimderiniń tolyǵymen iske kirisýine deıin taraptar Eýroodaqtyń Reseıge qarsy sanksıalardy óz kúshinde qaldyrýdy sheshti», - dep málimdedi ulybrıtanıalyq baspasóz úkimeti Bakıngemshır graftyǵynda ótken Kemeron men Merkeldiń kezdesýinen keıin.
Kóshbasshylardyń tek Ýkraınadaǵy ǵana emes, sonymen birge «Islamdyq memleket» búlikshilerine qatysty jaǵdaı men Sırıadaǵy qaqtyǵysty da nazarlarynan tys qaldyrmaǵany belgili. Devıd Kemeron atalmysh daý-damaılardyń saıası jolmen retke keltirilýi tıis ekenin taǵy da aıtyp ótti.
Aıta keteıik, Reseıge qatysty alǵashqy sanksıalar 2014 jyldyń naýryzynda Qyrymdaǵy basqyndyq áreketterden keıin salynyp, Donbasstaǵy qaqtyǵystan keıin kúsheıtilgen bolatyn.
