18 maýsym keshki jaǵdaı boıynsha TJM men ETRM birlesken kúshterimen aerovızýaldy ushý jáne qaraýyldaý barysynda anyqtalǵan tútin shyǵyp jatqan oryndardaǵy órtti sóndirý jumystary júrgizilip jatyr. Bul týraly vedomstvanyń baspasóz qyzmeti habarlady. 

Qazir ushqyshsyz ushý apparattarynyń kómegimen jergilikti jerge monıtorıń júrgizilýde. 

500-den astam adam, 167 tehnıka, 6 áýe kemesi jumyldyrylǵan. 3 eldi mekende (Talısa, Ýspenka, Borodýlıha) ornatylǵan komandalyq-shtabtyq avtomobılder esebinen beınesýretti naqty ýaqytta jibere otyryp, órttiń perımetri boıynsha jaǵdaıdyń monıtorıńi qamtamasyz etiledi.

Órt bastalǵaly beri barlyǵy órt oshaqtaryna 2 707 ret kólemi 7 951 astam tonna sý tógildi.