Burynǵy mádenıet mınıstri Arystanbek Muhamedıulynyń isi boıynsha 7 jylǵa sottalǵan esepshi Aıym Sádýaqasovanyń uly Nurbek Sádýaqasov prezıdentke úndeý joldady.

Ol úndeýde anasyna shyǵarylǵan úkimniń negizsiz ekenin aıttty.

"Shendilerdiń shaıqasynda qarapaıym qyzmetker zardap shekti. İstiń tapsyrys boıynsha jasalǵanyna senimdimin, óıtkeni sot otyrysynda aıypty dáleldeıtin birde-bir fakt ne kýáger bolǵan joq. Qazir anasy tiri bola tura 6 jasar qaryndasym jetim qaldy. Men eshqandaı kómek suramaımyn, tek ádildikti talap etemin" – dedi Nurbek Sádýaqasov áleýmettik jelidegi vıdeosynda.

Eske sala keteıik, 20 maýsymda Ulttyq mýzeıge qatysty "qarjy jymqyrý" isi boıynsha Arystanbek Muhamedıuly 8 jylǵa bas bostandyǵynan aıyrylǵan edi. Mınıstrmen birge onyń orynbasary Almaz Nurazhan, "Exponat" JSHS dırektory Azamat Kóshenov jáne bas esepshi Aıym Sádýaqasova da sottaldy.