Túrkistan oblysynda 174 aýyl ákimi Ákimshilik quqyq buzýshylyq týraly kodeksiniń 498-baby (statısıkany qosyp jazý jáne burmalaý) boıynsha 5 mln teńge aıyppul arqalap, ákimshilik jaýaptylyqqa tartyldy.

Bas prokýratýra málimetinshe, ákimder "Qoljetimdi jaıylym" jobasynyń aıasynda aýyl aımaqtarda sút jáne et ónimderin óndirý boıynsha kórsetkishterdi jaqsartý maqsatynda statısıkalyq esepterge qasaqana sharýa qojalyqtaryndaǵy mal bastaryn qosyp jazǵan. 

Nátıjesinde burmalanǵan esepterdi aýdan ákimderi jaıylymdyq jerlerdi basqarý Jobasyn túzý jáne bekitý barysynda qoldanǵan. 

Qazirgi tańda atalǵan statısıka prokýrorlardyń yqpalymen retke keltirilip, oblys boıynsha naqty qajettilik 3 esege, ıaǵnı 2,1 mln gektardan 652 myń gektarǵa deıin tómendegen.

Odan bólek, prokýrorlyq aktilerdiń negizinde qala, aýdan ákimdikterimen budan aldyn bekitilgen Jobalardy qaıta qaraý jumystary júrgizilýde, dep habarlady Ulysmedia.kz

"Osy tektes kemshilikterdi aldyn alý maqsatynda strategıalyq josparlaý jáne reformalar boıynsha Agenttigine, aýylsharýashylyǵy mınıstrligine jáne sıfrlyq damý, ınovasıalar jáne aeroǵarysh ónerkásibi mınıstrligine mal sharýashylyǵy salasyndaǵy baǵdarlamalardy ıntegrasıalaý boıynsha birqatar usynystar joldandy", – delingen habarlamada.