Atyraý oblysy Qurmanǵazy aýdanynda jastarǵa terorızmdi nasıhattaǵan 4 adamnan turatyn qylmystyq top ustaldy. Bul týraly oblystyq polısıa departamentiniń baspasóz qyzmetinen málimdedi. 

"Ekstremızmge qarsy is-qımyl basqarmasynyń, Qurmanǵazy aýdandyq polısıa bólimi men "Arlan" arnaıy jasaǵynyń qyzmetkerleri terorızmdi nasıhattady degen kúdikpen 4 adamdy ustady. Kúdiktiler Qurmanǵazy aýdanynyń 39, 35 jáne 33 jastaǵy turǵyndary.  Olardyń turǵylyqty mekenjaılaryn tekserý kezinde Qazaqstan aýmaǵynda taratýǵa tıym salynǵan dinı ádebıetter men túrli nasıhattyq jadynamalar, uıaly telefondar men 2 pyshaq tárkilendi", – dep habarlady departamenttiń baspasóz qyzmeti.

Qazir polısıa qyzmetkerleri ustalǵan kúdiktilerge qatysty QR Qylmystyq kodeksiniń terorızmdi nasıhattaý nemese terorızm aktisin jasaýǵa jarıa túrde shaqyrý baby sotqa deıingi tergeý jumystaryn júrgizip jatyr.