Elimizde sońǵy 10 jylda balalar úıi men ondaǵy tárbıelenýshiler sany 2 esege azaıǵan.

Qazirgi tańda 3 myńnan asa bala 116 ınternattyq uıymda tárbıelenip jatyr. Al sońǵy 10 jylda 7 myń bala óz otbasyn tapqan. 

"Balalar úıiniń azaıýyna ınternat uıymdaryn deınstıtýsıonalızasıalaý, otbasylyq ornalastyrýdyń balama nysandaryn engizý jáne jetim balalardy tárbıelep otyrǵan otbasylardy materıaldyq qoldaý saıasaty áser etti", – dedi Balalar quqyǵyn qorǵaý komıtetiniń tóraǵasy Nasymjan Ospanova. 

Sonymen qatar, ata-anasynyń qamqorlyǵynsyz qalǵan árbir balaǵa kolejder men joǵary oqý oryndarynda bilim alýǵa grant berilip, shákirtaqy tólenedi. Olardyń jumysqa ornalasý kezinde quqyǵy basymyraq bolady.