Vıse-premer – eńbek jáne halyqty áleýmettik qorǵaý mınıstri Tamara Dúısenova jyl sońyna deıin zeınetaqy taǵy kóterile me degen suraqqa jaýap berdi.
"Bul ınflásıa dálizine baılanysty. Qazir Ulttyq bank maýsym aıynda ınflásıa 15 prosent bolatynyn aıtty. Sol sebepti ınflásıa deńgeıine qaraımyz", - dep jaýap berdi Dúısenova úkimet kýlýarynda.
Mınıstr bıyl qańtar aıynan bastap elimizde bazalyq zeınetaqy tólemi óskenin atap ótti.
"Bazalyq zeınetaqysy az bolǵan azamattardyń tólemi 21 prosentke artty. Ortasha kólemde alatyndardyń zeınetaqysy osydan sál tómen, al joǵary zeınetaqy alatyndarda 8,5 prosentke kóterildi", - dedi ol.
Pikir qaldyrý