Qazaqstanda halyqqa arnalǵan kómir shetelge astyrtyn satylyp jatyr. Bul týraly Indýstrıa jáne ınfraqurylymdyq damý mınıstri Marat Qarabaev málimdedi.

Mınıstrdiń aıtýynsha, Qazaqstanda 110 mln tonna kómir óndiriledi. Al halyqtyń tutynýyna jylyna 9,3 mln tonna kómir qajet.

"Halyqqa jetkiziletin kómirdiń baǵasy esporttaǵy kómirdiń baǵasymen salystyrǵanda 5-6 ese tómen. Halyqqa baryp jatqan kómirdi keıbir kásipkerler alyp, shetelge satyp jatyr. Ózbekstanǵa, Qyrǵyzstanǵa shyǵarady. Sony boldyrmas úshin elimizden avtomobılmen kómirdi shetelge shyǵarýǵa tyıym saldyq"- dedi Marat Qarabaev Úkimet kýlýarynda.

Alaıda kásipkerler kómirdi syrt elge shyǵarýdyń basqa jolyn taýypty.

"Endi olar kómirdi kólikpen poıyzǵa jetkizip, shetelge poıyzben shyǵaryp jatyr. Másele osynda. Kómirdi erterek jaz ýaqytynda alý kerek" - dedi mınıstr.