Pavlodarda habar-osharsyz ketken 83 jastaǵy aqsaqal izdestirilip jatyr, dep habarlaıdy Ravlodarnews.kz. Týystarynyń boljamynsha, er adam monshaǵa sypyrǵysh jasaý úshin qaıyńdy ormanǵa barǵan bolýy múmkin. 

Týystary men polısıa qyzmetkerleri Qanatbek Jabyqbaevty túnniń bir ýaǵyna deıin izdegen. Vita eriktileriniń aıtýynsha, keshe túnde 1940 jyly týǵan zeınetkerdiń joǵalyp ketkeni týraly habarlama túsken.

"Qanatbek Jabyqbaev kúnde «Metalýrg» baǵbanshylyǵyna saıajaıǵa baryp júrgen, alaıda shamamen saǵat keshki altyda telefon qońyraýyna jaýap bermegen soń týystary alańdaı bastaǵan. Olar birden saıajaıǵa shyqqan, degenmen baǵbanshylyqta eshkim bolmaǵan. Taza kıimderi men uıaly telefony sol jerde jatqan", – deıdi eriktiler.

Týystarynyń boljamynsha, er adam monshaǵa sypyrǵysh jasaý úshin qaıyńdy ormanǵa barǵan bolýy múmkin.

VITA eriktileri, polısıa qyzmetkerleri, jedel áreket etý jasaǵy, týystary, otbasy, dostary men belsendi turǵyndar tańerteńgi saǵat altydan bastap joǵalǵan adamdy izdestirýde. 

Egerde aqsaqaldy kórgen adamdar bolsa, +7 (747) 615 55 63 (Katerına), +7 (777) 334 82 01 (Svetlana)  telefon nómirleri boıynsha eriktilerge habarlasýdy suraıdy.