Bul týraly ONAY kólik holdıńiniń dırektory Sadır Hamraev aıtty.

Kún saıyn qalada 1,4 mln jolaýshy qoǵamdyq kólikti paıdalanady. Almatyda jol júrý quny qolma-qol aqshamen tólegen kezde 150 teńge, al OŃAI kartasymen tóleseńiz, 80 teńge. Bul baǵa 2012 jyldan beri ózgergen joq.

«Inflásıaǵa, JJM baǵasynyń ósýine baılanysty qala boıynsha eseptik tarıf 80 teńgeden joǵary bolý kerek, alaıda ázirge memleketten sýbsıdıalar esebinen baǵany ózgertpeı ustap turýǵa bolady. 11 jyl ótse de tarıf burynǵy, kóptegen aımaqta jolaqy qymbattady. Qazirgi tańda qala boıynsha esep aıyrysý tarıfi 425 teńgege jetedi, biraq olaı belgileý múmkin emes, sebebi tym qymbat», - dedi ol.

Onyń pikirinshe, baǵa men sapa arasyndaǵy tepe-teńdik bolýy kerek. Jolaqy baǵasy qoljetimdi bolsa, halyq ta qoǵamdyq kólikpen kóp júredi.

Almatyǵa kún saıyn 2,5 myń avtobýs jolǵa shyǵady. Onyń aıtýynsha, 2024 jylǵa qaraı qalada 3,5 myń avtobýs bolady. Sondyqtan, qazir ONAY kólik qańqasyn qalyptastyryp, ońtaıly baǵyt jasaýǵa kirisken.