Senat depýtattary Tuńǵysh Prezıdent Nursultan Nazarbaevty óz atymen atalǵan mektepter, JOO jáne qordyń joǵarǵy keńesiniń basshysy mártebesinen aıyratyn zańdy maquldady. 

Atalǵan zań jobasyna sáıkes endi eks-prezıdent Nazarbaev zıatkerlik mektepteri Joǵary qamqorshylyq keńesiniń, Nazarbaev Ýnıversıtetiniń jáne Nazarbaev Qorynyń basshysy bola almaıdy. Atalǵalǵan mekemeni prezıdent basqaratyn bolady. 

Sondaı-aq, túzetýlerde prezıdent taǵaıyndaǵan Qazaqstan azamaty da joǵarǵy keńestiń tóraǵasy bola alady delingen. Joǵary qamqorshylyq keńes týraly erejeni Joǵarǵy qamqorshylyq keńestiń tóraǵasy bekitedi.

Budan basqa, zań jobasy taǵy bir ózgeristi kózdeıdi: daryndy balalardy NZM-de oqytýǵa aqy tóleýge arnalǵan "Órken" bilim berý grantyn endi Tuńǵysh prezıdent emes, memleket basshysy quratyn bolady.