Búgin Úkimet kýlýarynda jýrnalıser Bas prokýrordyń orynbasary Ulan Baıjanovqa  “Zańsyz ıemdelgen aktıvterdi qaıtarý týraly” zań jobasyna qatysty suraq qoıdy. 

Ulan Baıjanov "Nazarbaev otbasynyń músheleri de qýdalanýy múmkin be?" degen saýalǵa naqty jaýap bermedi. 

"Qazir personaldy turǵyda birdeńe degim kelmeıdi. Taǵy da aıtaıyn: zańda sýbektilerdiń naqty talaptary aıqyndalǵan. Eger sizder ataǵan osy famılıa (Nazarbaev), sol otbasynyń músheleri sol talaptarǵa kirse, sózsiz olarǵa da zań qoldanylady", – deıdi Bas prokýrordyń orynbasary.

Ulan Baıjanovtyń aıtýynsha, búginge deıin Qaırat Satybaldy men Qaırat Boranbaevtyń ústinen is qozǵalǵanyn jáne olardyń elge zańsyz shyǵarylǵan aktıvter qaıtarylǵan.

Eske salsaq, búgin Senat depýtattary "Zańsyz ıemdenilgen aktıvterdi memleketke qaıtarý týraly" zańdy maquldady. Zań prezıdentke jiberildi.