№2 Balalar qalalyq klınıkalyq aýrýhanasynyń dárigerleri kópqabatty úıdiń úshinshi qabatynyń balkonynan qulap túsken 4 jasar balany aman alyp qaldy.

Aýrýhananyń baspasóz qyzmeti málim etkendeı, kishkentaı ul bala balkonda oryndyqqa shyǵyp, kóshege qaramaq bolǵan kezde qulap ketken. Sonymen qatar úıde janynda eresek adam bolmaǵan.

«Balany jedel járdem brıgadasy qabyldaý bólimshesine aýyr jaǵdaıda jetkizdi. Alyp kelgen kezde bala dereý qaraldy, qajetti ınstrýmentaldi zertteýler, onyń ishinde aǵzaǵa kompúterlik tomografıa júrgizildi. Bala jansaqtaý bólimshesine jatqyzyldy. Dárigerler balany travmalyq eseńgireýden alyp shyǵyp, onyń jaǵdaıyn turaqtandyrdy», - dep habarlady aýrýhanadan.

İsh jaǵynyń toqtamaı aýyrsynýyna baılanysty mýltıtártiptik keńes ótkizilip, dıagnostıkalyq laparoskopıalyq ota jasaý týraly sheshim qabyldandy, -dep jazdy QazAqparat.

«Balada kózge kórinbeıtin jaraqat boldy. Oǵan hırýrgıalyq bólimshede ota jasaldy. Qazir onyń ómirine qaýip joq. Bala jazylyp, úıge shyqty», - dedi aıtty №2 BQKA dırektorynyń orynbasary Nazgúl Asanova.

Balalar dárigerleri ata-analardan muqıat bolýyn jáne kishkentaı balalardy qaraýsyz qaldyrmaýdy ótinip suraıdy.