Almatyda Jandosov pen Rozybakıev kósheleriniń qıylysynda 6 zańsyz ornatylǵan saýda nysany, Abaı dańǵyly,50 mekenjaıdaǵy 8 nysan, Mustafın men Birjan kósheleriniń qıylysynda ( Orbıta-4 shaǵyn aýdany) 3 nysan  súrildi.

Qalanyń syrtqy kelbetine nuqsan keltiretin, abattandyrýdy buzatyn, trotýarlar men jol ýchaskelerin qoqys tastaıtyn zańsyz ornatylǵan stasıonarlyq emes saýda obektilerimen (SESO) kúresý maqsatynda Almaty qalasy Kásipkerlik jáne ınvestısıalar basqarmasy qala ákimi Erbolat Dosaevtyń tapsyrmasy boıynsha qajetti sharalar qabyldaýda.

Almaty qalasy kásipkerlik jáne ınvestısıalar basqarmasynyń qyzmetkerleri  olardyń saýda  júrgizýge ruqsat qujattarynyń joqtyǵyn anyqtady. Zańsyz ornatylǵan saýda obektileriniń ıelerimen túsindirý jumystary júrgizildi, sodan keıin kásipkerler obektilerdi óz erkimen bólshektedi.

Menshik ıeleri derbes súrýden bas tartqan jaǵdaıda zańsyz ornatylǵan stasıonarlyq emes saýda obektileri májbúrli tártippen bólshekteletin bolady.

Ádette, zańsyz ornatylǵan dúńgirshekter abattandyrý erejelerin saqtamaı, qala qurylysy, sanıtarlyq-epıdemıologıalyq jáne órtke qarsy normalardy buza otyryp, trotýarlar men jol jıekterinde ornalasqan.

Eske salsaq,Almaty ákimi Erbolat Dosaevtyń tapsyrmasy boıynsha bıyl alǵash ret "Almaty qalasynyń aýmaǵynda jáne qala mańyndaǵy aımaqta stasıonarlyq emes saýda obektilerin ornatý erejeleri" qabyldandy, onda stasıonarlyq emes saýda obektilerin ornatý tártibi naqty aıqyndalǵan. Erejelermen tolyǵyraq https://adilet.zan.kz/rus/docs/V23R0001707 silteme arqyly tanysýǵa bolady. Monıtorıń qorytyndysy boıynsha 2022 jyly Almatyda 500-den astam zańsyz ornatylǵan stasıonarlyq emes saýda obektileri anyqtaldy, onyń ishinde búginde 120 nysan  súrildi.