Detroıttegi Genrı Ford aýrýhanasynda jumys isteıtin AQSH mamandary birqatar zertteý júrgizip, kóp ýaqytyn Internet jelisinde ótkizetin jetkinshekter qan qysymy joǵary adamdardyń qataryna túsýi múmkin ekendigin anyqtady. Bul týraly «Qamshy» portaly Qazınform.kz-ke silteme jasaı otyryp habarlaıdy.

Zertteý kórsetkendeı, bir aptadaǵy on tórt saǵat pen odan da kóp ýaqytty ǵalamtorda otyrýǵa arnaıtyn ul men qyzdardyń qan qysymy joǵary bolady eken.  Tájirıbege 134 erikti oqýshy qatysty; olardyń barlyǵy ǵalamtorǵa táýeldi bolǵan jáne 26-synyń qan qysymy qalypty jaǵdaıda bolmaǵan.

Atap ótý kerek, bul jelide kóp otyrǵandyqtan paıda bolatyn jalǵyz dert emes. Sondaı-aq, ǵalamtorda kóp otyratyn jasóspirimder kúızelis, artyq salmaq, esirtki paıdalaný jáne áleýmettik oqshaýlaýdan zardap shegýi múmkin.

Zertteýdiń jetekshi- ǵylymı qyzmetkeri Andrea Kessıdı-Bashroý: «Ǵalamtordy kúnine eki saǵat jáne aptasyna bes kún paıdalanǵan jón»,- dep keńes berdi.