Qazaqstanda jańa mereke paıda boldy. 2 aqpan Ulttyq basylym kúni bolyp bekitildi. Bul týraly aqparat jáne qoǵamdyq damý mınıstri Darhan Qadyráli Facebook-paraqshasynda jazdy.

"Qadirli dostar! Jaǵymdy jańalyǵymyz bar. 2 aqpan Ulttyq basylym kúni bolyp bekitildi. Bastaýynda Ahmet Baıtursynuly, Álıhan Bókeıhanov, Mirjaqyp Dýlatuly sekildi ult zıalylary turǵan "Qazaq" gazetiniń alǵashqy nómiri osydan 110 jyl buryn, 2 aqpan kúni jaryq kórgeni belgili. Alash ardaqtylarynyń qoltańbasy qalǵan gazet ulttyq renesanstyń qaınar kózine aınalyp, halqymyzdyń aqyl-oıyn, sana-sezimin bólek arnaǵa burdy. Memleket basshysy buǵan deıin Qazaq radıosynyń 100 jyldyǵy aıasynda 1 qazandy Radıo qyzmetkerleri kúni dep resmı túrde bekitken edi. Endi mine, jýrnalıser qaýymy úshin taǵy bir ataýly kún belgilenip otyr. Baspasóz salasynda eseli eńbek etip, qalam terbep júrgen barsha áriptesterimizdi ulttyq baspasóz kúniniń belgilenýimen quttyqtaımyn!" - dep jazdy ol.