Prezıdent Qasym-Jomart Toqaev  İshki ister mınıstrliginiń alqa májilisinde qajylyqqa baramyz dep aldanǵan qazaqstandyqtardyń jaǵdaıyna qatysty pikir bildirdi.

"Men búgin qoǵamda ózekti bolyp turǵan taǵy bir máselege toqtalǵym keledi. Qazir kóptegen azamattarymyz alaıaqtardyń aılasyna túsip, aldanyp qalyp jatyr. Sondyqtan quqyq qorǵaý organdary alaıaqtarǵa qarsy tabandy kúres júrgizýge tıis. Olarǵa eshqandaı jeńildik jasalmaýy kerek. Sebebi alaıaqtardyń jasaǵan áreketinen halyq zardap shegýde. Mysaly, jaqynda bir týrısik kompanıa zańǵa baǵynatyn bir top azamatty aldap, olardy qajylyqqa jibergen. Endi, kinásiz adamdar Saýd Arabıasynyń polısıa ýchaskesinde qamaýda otyrýǵa májbúr. Osyndaı alaıaq kompanıanyń zańǵa qaıshy áreketi azamattarymyzdyń densaýlyǵyna, olardyń moraldyq jaǵdaıyna jáne jalpy elimizdiń bedeline úlken nuqsan keltirip otyr. Bul jerde, árıne, adamdardyń quqyqtyq saýatsyzdyǵy da bar", – dedi Toqaev.

Prezıdent Syrtqy ister mınıstrligi olarǵa barynsha kómektesýi qajettigin aıtty.

"Al İshki ister mınıstrligi alaıaq kompanıanyń basshylyǵyn, qyzmetkerlerin zańǵa sáıkes jaýapqa tartýǵa tıis. Ádiletti qoǵam quramyz desek, dál osyndaı ózekti máselelerdi sheshýimiz kerek", – dedi memleket basshysy.